Rastavańnie šmathadovaj mierzłaty na terytoryi RF moža pryvieści da razbureńnia niekatorych abjektaŭ infrastruktury i maštabnych vykidaŭ parnikovych hazaŭ u atmaśfieru, zajaviŭ ria.ru viadučy navukovy supracoŭnik Arktyčnaha i antarktyčnaha navukova-daśledčaha instytuta Alaksiej Jekajkin.

Jon miarkuje, što da 2100 hoda šmathadovaja mierzłata moža ŭ siarednim adtać na 3-4 mietry. Bolš za 50% terytoryi RF znachodzicca ŭ zonie kryaśfiery - viečnaja mierzłata, ledaviki, śniežnaje pokryva i marski lod.

«U rajonach, dzie ŭ Rasii šmathadovaja mierzłata, nasielnictva davoli mała (kala 4% ad usiaho nasielnictva RF), adnak tam šyrokaja infrastruktura. Zvyčajnyja padychody da jaje budaŭnictva majuć na ŭvazie pastavić padmurak na hłybiniu pratajvańnia. Z takim raźlikam i budavalisia usie trubapravody i abjekty infrastruktury, a ciapier hetaja hłybinia pačnie mianiacca, i padmurak apyniecca nie na ćviordaj pavierchni. Nafta ŭ nas u Zachodniaj Sibiry, na Jamale, u tych rajonach», - rastłumačyŭ vučony.

«Inšaja prablema - upłyŭ šmathadovaj mierzłaty na klimat. U joj utrymlivajecca šmat vuhlakisłaha hazu i mietanu, ale nichto nie viedaje dakładna, jakaja heta vieličynia - acenki vielmi adroźnivajucca.

Navukoŭcy adznačajuć, što dziasiatki-sotni hihaton mietanu i SO2 trapiać u atmaśfieru ź mierzłaty z-za paciapleńnia da 2100 hoda. Bolš hazaŭ, bolš parnikovy efiekt, bolš paciapleńnie, macniej rastaje mierzłata, stanovicca jašče ciaplej - taki kaskadny efiekt vychodzić», - skazaŭ Jekajkin.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?