Śpiavak Viktar Kalina apublikavaŭ kryk dušy — zvarot da prezidenta Rasii Uładzimira Pucina.

Kalina narakaje, što jaho, na jaho ž ahrasiadzibie, da paŭśmierci źbili supracoŭniki kałonii pasiołka Anochava Smalenskaj vobłaści Rasii. A paśla Kalinu za heta jašče i aštrafavali!

List Kaliny fiłasofski. Spačatku jon dakazvaje svaju luboŭ da Rasii — napisaŭ himn «My ruskija, z nami Boh», padtrymaŭ «DNR», adpačyvaje ŭ Krymie, źjaŭlajecca prychilnikam Pucina. «Vy, Uładzimir Uładzimiravič, najlepšaje, što Boh daŭ Ruskaj ziamli i ludziam Rasii», — pryznajecca śpiavak.

Dyk voś, Kalina adkryŭ ahrasiadzibu pad Smalenskam. Praŭda, z haściami jamu nie nadta šancuje.

Uletku jaho pabiła pjanaja kampanija. Za što? Za partret Alaksandra Łukašenki na ścianie. Adzin z haściej nazvaŭ jaho Stalinym — i pačałosia.

Apahiej — śviatkavańnie dnia naradžeńnia supracoŭnicy vypraŭlenčaj kałonii. Kalina kaža, što atrymaŭ udar butelkaj šampanskaha zzadu i ja dvojčy straciŭ prytomnaść. A pjanyja siłaviki tym časam šturmavali jaho dom.

Ale pakarać supracoŭnikaŭ kałonii nie atrymałasia, bo palicyja nibyta nie zmahła ich znajści. Zatoje samoha Kalinu aštrafavali na $15 za brydkasłoŭje. Śpiavak ličyć heta prynižeńniem.

«Budučy hramadzianinam Biełarusi i paraŭnoŭvajučy dźvie krainy i dźvie madeli, mahu skazać, Biełaruś na paradak vyšej pa ŭzroŭni sacyjalnaj abaronienaści, abaronienaści ad biaźmiežža čynoŭnikaŭ i siłavikoŭ … A ŭ Rasii tym časam narod pamiraje ad niedajadańnia, chvarob, choładu i bieznadziejnaści», — padsumoŭvaje Kalina.

Čytajcie:

Viktar Kalina abmaciukaŭ invalida, jaki paprasiŭ biaspłatny kvitok na kancert AŬDYJA

«Praciakła truba», «ramont zały»: u krainie masava admianiajucca kancerty Viktara Kaliny

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?