Na paznačanaj terytoryi zapłanavany korpus dla adździełaŭ prymusovaha vykanańnia Ministerstva justycyi, jakija pakul raźmiaščajucca ŭ roznych rajonach horada, padziemny parkinh, spartyŭny abjekt, a taksama haspadarčaja zona ź jašče adnym nievialikim budynkam, haražom i krytaj parkoŭkaj dla kanfiskavanaha transpartu. U pierśpiektyvie na hetuju terytoryju moža pierabracca i samo ministerstva, dla čaho praduhledžana mahčymaść budaŭnictva jašče adnaho korpusa.

Členy savieta paličyli, što prapanavany varyjant raźmiaščeńnia pabudoŭ i vobraznaje rašeńnie kompleksu patrabujuć dapracoŭki. Budynak Miniusta, pa ahulnym mierkavańni, pavinna być tut daminujučym, najbolš prykmietnym i jarkim. Pakul ža jon i pa habarytach, i pa vonkavym vyhladzie sastupaje inšamu budynku. Taksama prajekciroŭščykam paraili stvaryć na terytoryi nievialikija rekreacyjnyja zony dla rabotnikaŭ (tut mohuć pracavać da 800 čałaviek).

— Składany ŭčastak dastaŭsia dla takoha kompleksu. Pakul kampazicyja vyhladaje vypadkovaj, dy i da architektury jość pretenzii, — hetymi słovami adnaho z členaŭ savieta było vykazana ahulnaje mierkavańnie.

Prajekciroŭščykam rekamiendavali dapracavać kancepcyju i jašče raz pradstavić na architekturna-horadabudaŭničy saviet.

Клас
0
Панылы сорам
0
Ха-ха
0
Ого
0
Сумна
0
Абуральна
0