Kitaj moža admianić dva pieradsiezonnyja matčy Nacyjanalnaj baskietbolnaj asacyjacyi (NBA), jakija pavinny adbycca na terytoryi krainy na hetym tydni. Pra heta paviedamlaje The New York Times.

U čaćvier na parkiet u Šanchai pavinny vyjści kamandy «Lejkiers» i «Nets». Ich paŭtornaja sustreča zapłanavana na subotu ŭ Šeńčženie.

Raniej hienieralny mieniedžar kłuba NBA «Chjustan» Derył Mory padtrymaŭ u tvitary pratesty ŭ Hankonhu, jakija doŭžacca niekalki miesiacaŭ. Jany pačalisia z-za zakona ab ekstradycyi. Novaja chvala akcyj padniałasia paśla abjavy ab zabaronie na našeńnie masak padčas masavych schodaŭ.

Nieŭzabavie Mory vydaliŭ tvit. Kamisar NBA Adam Silvier admoviŭsia karać abo asudžać aŭtara. U adkaz Asacyjacyja baskietboła Kitaja zajaviła ab spynieńni supracoŭnictva z kłubam «Rokiets». Telekanał CCTV spyniŭ pakaz hulniaŭ lihi. Ciapier, pa infarmacyi krynicy The New York Times, kitajski bok razhladaje pytańnie ab admienie dvuch vystavačnych matčaŭ NBA.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?