Kanadskaja piśmieńnica Marharet Etvud znoŭ stała łaŭreatam Bukieraŭskaj premii, ale na hety raz zvańnie hajlepšaha anhłamoŭnaha piśmieńnika jana padzialiła z brytankaj Biernardyni Evarysta, piša bbc.com.
Pryznačeńnie adrazu dvuch łaŭreataŭ źjaŭlajecca parušeńniem praviłaŭ prysudžeńnia Bukiera, u jakich prapisana, što premija niepadzielnaja, ale žury pryznajecca, što prosta nie zmahło vybrać lepšy z dvuch tvoraŭ.
Estvud adznačana za raman «Zapaviety» (The Testaments), jaki źjaŭlajecca sikviełam adnaho z samych viadomych jaje tvoraŭ «Apovied słužanki». U «Zapavietach» dziejańnie adbyvajecca praz 15 hadoŭ paśla padziej, apisanych u papiaredniaj knizie.
Padziei razhortvajucca ŭ patryjarchalna-tatalitarnaj dziaržavie Respublika Hilead, dzie surovyja zakony hramadstva pazbaŭlajuć žančyn jakich-niebudź pravoŭ, pakidajučy im tolki funkcyju naradžeńnia dziaciej.
Evarysta ŭznaharodžanaja za raman «Dziaŭčyna, žančyna, usio astatniaje» (Girl, Woman, Other), u jakim aŭtar raspaviadaje historyi žyćcia 12 piersanažaŭ, bolšaść ź jakich — čarnaskuryja brytanki.
Kožnamu piersanažu pryśviečany raździeł, ich šlachi mudrahielistym čynam pieraplatajucca, niahledziačy na zusim roznyja bijahrafii i asiarodździe.
Aŭtary padzielać hałoŭnuju premiju ŭ 50 tysiač funtaŭ sterlinhaŭ, i abiedźvie ŭvojduć u historyju premii: 79-hadovaja Etvud jak samy stały łaŭreat u historyi, a Evarysta - jak pieršaja čarnaskuraja piśmieńnica, uhanaravanaja Bukieram.
