17 kastryčnika Instytut histaryčnych daśledavańniaŭ Biełarusi Jeŭrapiejskaha humanitarnaha ŭniviersiteta (EHU) ładzić ŭ Vilni viečarynu pamiaci Ivana Łuckieviča, biełaruskaha palityčnaha dziejača, publicysta i historyka, jaki byŭ stvaralnikam pieršych biełaruskaj hazetaŭ, pieršaha biełaruskaha muzeja i pieršaj biełaruskaj himnazii.
Na vystavie «Ivanie, žyvi!», što z 26 vieraśnia pa 17 kastryčnika ekspanujecca na druhim paviersie navučalnaha korpusa EHU, možna ŭbačyć unikalnyja dakumienty pra žyćcio Ivana Łuckieviča sa zboraŭ Vilenskaha biełaruskaha muzieja, Litoŭskaha nacyjanalnaha muzieja, Litoŭskaha dziaržaŭnaha histaryčnaha archiva, Biblijateki Akademii navuk Litvy imia Urubleŭskich i Biełaruskaha dziaržaŭnaha archiva-muzieju litaratury i mastactva, a taksama pryvatnych kalekcyjaŭ. Vystava i viečaryna prytarnavanyja da 100 hadoŭ z dnia śmierci vybitnaha dziejača biełaruščyny, jaki stajaŭ la vytoŭkaŭ sučasnaje dziaržaŭnaści Biełarusi.
Viečaryna adbudziecca 17 kastryčnika a 17 hadzinie ŭ aŭd. 221 navučalnaha korpusa EHU.
Pra los i tvorčaść Ivana Łuckieviča raspaviaduć vydkładyčyki Departamienta humanitarnych navuk i mastactvaŭ EHU Siarhiej Chareŭski i dacent Viktar Marcinovič, a taksama kiraŭnička Vilenskaha biełaruskaha muzieja Ludvika Kardzis.
