Žychar Mastoŭskaha rajona častavaŭ plamieńnika ŭłasnaručna vyraščanaj marychuanaj, paviedamlaje milicyja.
Pieršapačatkova ŭ pole zroku supracoŭnikaŭ milicyi trapili troje 25-hadovych chłopcaŭ. Pry sabie ŭ ich byli vyjaŭlenyja narkotyki. Akazałasia, što marychuanu chłopcam pieradaŭ dziadźka adnaho ź ich, rabotnik miascovaha sielhaspradpryjemstva.
Mužčyna rastłumačyŭ, što narkotyk jon pieradavaŭ plamieńniku ŭ previentyŭnych metach. Takim čynam jon chacieŭ adbić u jaho žadańnie ŭžyvać bolš niebiaśpiečnyja rečyvy.
Akazałasia, što mužčyna doŭhi čas na dačy vyroščvaŭ narkatyčnyja raśliny. Doma ŭ jaho znajšli jomistaści sa zdrobnienaj marychuanaj, prystasavańni dla paleńnia. Akramia taho, u domie jašče sušylisia try kusty marychuany.
Raspačali kryminalnyja spravy.
