Urady Biełarusi i Rasii płanujuć pradstavić prezidentam prajekty darožnych kart pa intehracyi ŭ Sajuznaj dziaržavie da 1 śniežnia, paviedamiŭ siońnia premjer Siarhiej Rumas, pieradaje BiełTA.
Fota: BiełTA.
«My pracujem nad tym, kab da 1 śniežnia prajekty darožnych kart pradstavić prezidentam. U nas zapłanavany na 19 listapada sajuzny Saŭmin, my ź Dźmitryjem Miadźviedzievym damovilisia, što paśla jaho ŭvieś čas, kolki nieabchodna, zmožam pryśviacić abmierkavańniu darožnych kart», — skazaŭ Siarhiej Rumas.
Pavodle jaho słoŭ, u abmierkavańni 19 listapada buduć udzielničać usie ministry, jakija adkazvajuć za śfiery, dzie zastalisia niaŭzhodnienyja pazicyi.
Kiraŭnik urada udakładniŭ, što darožnyja karty buduć padpisvacca kiraŭnikami dziaržorhanaŭ, prahrama dziejańniaŭ pa vykanańni sajuznaha dahavora — na ŭzroŭni kiraŭnikoŭ dziaržaŭ.
