Wikimedia Commons
Były premjer-ministr Polščy i nieŭzabavie ŭžo były staršynia Jeŭrapiejskaj rady Donald Tusk paviedamiŭ, što ŭ 2020 hodzie nie budzie bałatavacca na pasadu prezidenta krainy, paviedamlaje Radyjo Polšča.
Tusk źjaŭlajecca kandydatam na pasadu staršyni Jeŭrapiejskaj narodnaj partyi. «Ja liču, što my možam pieramahčy na hetych vybarach, ale dla hetaha patrebna kandydatura, jakaja nie abciažarana bahažom składanych, niepapularnych rašeńniaŭ, a ja byŭ abciažarany takim bahažom jašče z časoŭ premjer-ministra», — skazaŭ Tusk. Jon dadaŭ, što padčas vybarčaj kampanii budzie rašuča padtrymlivać apazicyju.
Kiraŭnik administracyi premjer-ministra Polščy Michał Dvorčyk, u svaju čarhu, zajaviŭ, što admova Donalda Tuska bałatavacca na vybarach prezidenta Polščy nie staŭ dla jaho niečakanaściu. Na dumku Dvorčyka, Tusk, u jakoha jość značny niehatyŭny elektarat, bajaŭsia parazy ŭ druhim tury ad kandydata kirujučaj partyi «Prava i spraviadlivaść», prezidenta Andžeja Dudy.
