Byłoha hiendyrektara dziaržchołdynhu «BiełOMA» Viačasłava Burskaha prysudzili da 5 hadoŭ pazbaŭleńnia voli ŭ kałonii ŭzmocnienaha režymu. Pra heta Tut.by paviedamili ŭ sudzie Pieršamajskaha rajona Minska.

Viačasłavu Burskamu (źleva) — 73 hady, Uładzimiru Kiskinu — 72. Jany praviali niekalki miesiacaŭ u SIZA, a potym mieru strymańnia zamianili na chatni aryšt. Fota: belsat.eu.

Viačasłavu Burskamu (źleva) — 73 hady, Uładzimiru Kiskinu — 72. Jany praviali niekalki miesiacaŭ u SIZA, a potym mieru strymańnia zamianili na chatni aryšt. Fota: belsat.eu.

Jaho namieśnik Uładzimir Kiskin atrymaŭ 3 hady kałonii.

Abodvuch uziali pad vartu ŭ zale suda.

Viačasłava Burskaha i Uładzimira Kiskina zatrymali ŭ pačatku hetaha hoda. Ich abvinavačvali ŭ atrymańni chabaraŭ na praciahu 10 hadoŭ u pamiery «nie mienš za 22,2 tysiačy rubloŭ».

Chabaradavalnikam byŭ hiendyrektar maskoŭskaj kampanii «Optoprom-IT» Alaksiej Famin. Jon prapanavaŭ kiraŭnictvu «BiełOMA» rabić kamplektujučyja dla traŭmatyčnych pistaletaŭ «Asa».

Svaju vinu biełaruskija top-mieniedžary pryznali całkam.

Padčas pieratrusu ŭ kvatery i haražy Viačasłava Burskaha siłaviki znajšli 73 tysiačy dalaraŭ. Jon skazaŭ, što adkładvaŭ srodki z zarpłaty. «Rychtavaŭsia da vychadu na piensiju i mianiaŭ hrošy na dalary, kab była choć niejkaja hrašovaja paduška biaśpieki», — kazaŭ były dyrektar «BiełOMA».

Burski paprasiŭ sud uličyć jaho 48 hadoŭ pracy ŭ chołdynhu, uznaharody z ruk prezidenta, uzrost i stan zdaroŭja, a taksama raskajańnie i nie pazbaŭlać voli.

Raniej prakuror zaprasiŭ 6 i 5 hadoŭ pazbaŭleńnia voli dla Burskaha i Kiskina adpaviedna, ale pry hetym prasiŭ uličyć šerah źmiakčalnych abstavin. Heta ździajśnieńnie złačynstva asobaj u stałym uzroście (Burskamu 73 hady, Kiskinu — 72), dapamoha śledstvu ŭ raskryćci inšych udzielnikaŭ złačynstva i vypłata dziaržavie niezakonna atrymanaha dachodu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?