U acenkach ABSIE parłamienckich vybaraŭ, jakija prajšli ŭ Biełarusi, pa-raniejšamu nazirajecca palityzavany padychod. Pra heta zajaviŭ BiełTA dypłamat Andrej Savinych, jaki abrany deputatam Pałaty pradstaŭnikoŭ.

Adkazvajučy na ​​prośbu prakamientavać šerah krytyčnych zaŭvah, vykazanych z boku kiraŭnika karotkaterminovaj misii naziralnikaŭ ABSIE Marharety Siederfielt, Andrej Savinych skazaŭ: «Heta nie pieršaja acenka takoha rodu, jakuju my atrymlivajem ad ABSIE. Na žal, pa-raniejšamu nazirajecca palityzavany padychod, abumoŭleny žadańniem vykarystoŭvać vybary ŭ krainie jak ryčah cisku na Biełaruś u kantekście vyznačeńnia našych źniešniepalityčnych pryjarytetaŭ».

Andrej Savinych udakładniŭ, što nie maje na ŭvazie, što takuju ​​pazicyju zajmajuć usie krainy — členy ABSIE. «Chutčej, heta tradycyjnyja i istotna sastarełyja padychody šerahu krain Zachadu. My pierakananyja, što ŭ sučasnych umovach admova ad palityčnych kliše pryniasie bolšy vynik», — skazaŭ jon.

Što da asabistaj acenki vybarčaha pracesu, dypłamat adznačyŭ, što ŭ jakaści kandydata ŭ deputaty bačyŭ, jak vybudoŭvajecca vybarčaja kampanija, i jakim-niebudź čynam umiašacca ŭ jaje i paŭpłyvać niemahčyma. «Pryvabnaść kandydata vyznačaje jaho prahrama, zdolnaść razmaŭlać ź ludźmi, adčuvać prablemy i adkazvać ich čakańniam», — reziumavaŭ Andrej Savinych.

Клас
0
Панылы сорам
0
Ха-ха
0
Ого
0
Сумна
0
Абуральна
0