Prapanovy rasiejskaj kampanii «Hazprom» ab praciahu dziejnaha abo zaklučeńni novaha kantrakta na tranzit hazu praz Ukrainu ŭ Kijevie ličać nieprymalnymi. Pra heta zajaviŭ ministr enierhietyki i navakolnaha asiarodździa Ukrainy Alaksiej Oržal, piša tass.ru.

«Prapanova źjaŭlajecca nieprymalnaj dla Ukrainy, uličvajučy toje, što treba admovicca ad arbitražaŭ i padpisać damovu tolki na adzin hod», — zajaviŭ ministr u efiry ŭkrainskaha telekanała ICTV.

Pry hetym jon dadaŭ, što «parazumieńnie možna znajści». Oržal daŭ zrazumieć, što ŭ vypadku padpisańnia doŭhaterminovaha kantrakta na tranzit hazu ŭ nieabchodnych abjomach Kijeŭ hatovy na kampramisy.

Oržal nie vyklučyŭ, što Rasija moža praciahnuć tranzit hazu z 1 studzienia 2020 hoda i biez kantrakta. «My budziem rasceńvać heta jak kantrabandu. I tady ŭžo buduć inšyja jurydyčnyja pracesy», — skazaŭ na zakančeńnie kiraŭnik viedamstva.

Raniej «Hazprom» nakiravaŭ ŭkrainskaj kampanii «Naftahaz» aficyjnuju prapanovu ab praciahu dziejnaha abo zaklučeńni novaha kantrakta na tranzit hazu praz terytoryju Ukrainy terminam na hod z ulikam prahnazavanaha popytu jeŭrapiejskich pakupnikoŭ na 2020 hod. U prapanovie «Hazproma» pakazana, što nieabchodnymi ŭmovami źjaŭlajucca admova abodvuch bakoŭ ad usich uzajemnych pretenzij u mižnarodnym arbitražy i spynieńnie ŭsich sudovych razhladaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?