Rečy 24-hadovaha mahiloŭca zabrała z harderoba zabaŭlalnaha centra školnica. Incydent adbyŭsia paśla taho, jak małady čałaviek zhubiŭ numarok ad harderoba, paviedamlaje mogilevnews.by
— Nie adrazu vyjaviŭšy prapažu, jon nakiravaŭsia ŭ harderob, dzie vyśvietliŭ, što jaho rečy ŭžo zabrali. Palito i skuranaja sumka, u jakoj znachodzilisia dakumienty i hrošy, biasśledna źnikli. Pryčynienuju škodu mužčyna acaniŭ u 460 rubloŭ.
Vyśvietliłasia, što 14-hadovaja školnica ŭ toj viečar razam ź siabroŭkami była na dyskatecy dla padletkaŭ. Znajšoŭšy na padłozie zhubleny numarok, razam sa svajoj vierchniaj vopratkaj jana zabrała i čužoje palito z sumkaj.
Častka vykradzienaha kanfiskavana. Vyrašajecca pytańnie ab zaviadzieńni kryminalnaj spravy za kradziež.
