Alaksandr Łukašenka pavinšavaŭ Uładzimira Pucina z 20-hodździem padpisańnia Dahavora ab stvareńni Sajuznaj dziaržavy. Pra heta BIEŁTA paviedamili ŭ pres-słužbie biełaruskaha lidera.
«Hety dakumient vyvieŭ biełaruska-rasijskija adnosiny, zasnavanyja na viekavoj družbie, svajactvie histaryčnych losaŭ i supolnaści žyćciovych intaresaŭ našych narodaŭ, na ŭzrovień sapraŭdnaha sajuźnictva i stratehičnaha partniorstva», - havorycca ŭ vinšavańni.
Alaksandr Łukašenka adznačyŭ, što Biełaruś i Rasija šmat čaho dasiahnuli: jany kaardynujuć dziejańni na mižnarodnaj arenie, sumiesna ŭmacoŭvajuć abaranazdolnaść, uzajemna dapaŭniajuć adzin adnaho ŭ ekanomicy. Stvorana ahulnaja humanitarnaja, sacyjalnaja, kulturnaja i adukacyjnaja prastory. Hramadzian dźviuch krain nie padzialajuć miežy, vizy, mytni.
«Na ciapierašnim etapie prychilnaść abjadnaŭčaj idei maje vialikaje značeńnie. Hałoŭnaja zadača — zabiaśpiečyć nieabchodnyja ŭmovy dla dalejšaha pavyšeńnia dabrabytu našych hramadzian. Hłyboka pierakanany, što my zmožam nadać novuju dynamiku realizacyi sajuznaj damovy, niaŭchilna prytrymlivajučysia pryncypaŭ raŭnapraŭja i davieru», — padkreśliŭ biełaruski lider.
Prezident Rasii taksama nakiravaŭ vinšavalnaje pasłańnie ŭ adras Łukašenki.
![Клас Клас](https://d3obnowcu2pyw7.cloudfront.net/images/reactions/reaction-like.png)
![Панылы сорам Панылы сорам](https://d3obnowcu2pyw7.cloudfront.net/images/reactions/reaction-facepalm.png)
![Ха-ха Ха-ха](https://d3obnowcu2pyw7.cloudfront.net/images/reactions/reaction-smile.png)
![Ого Ого](https://d3obnowcu2pyw7.cloudfront.net/images/reactions/reaction-omg.png)
![Сумна Сумна](https://d3obnowcu2pyw7.cloudfront.net/images/reactions/reaction-sad.png)
![Абуральна Абуральна](https://d3obnowcu2pyw7.cloudfront.net/images/reactions/reaction-anger.png)