U Minsku druhi dzień zapar prajšła akcyja pratestu suprać intehracyi Biełarusi i Rasii. 

Ludzi sabralisia na Kastryčnickaj płoščy na zaklik Paŭła Sieviarynca i jaho paplečnikaŭ. Prajšoŭ niadoŭhi mitynh, paśla čaho ludzi rušyli vulicami Minska pad bieł-čyrvona-biełymi ściahami.

Demanstranty dajšli da pasolstva Rasii, kab pieradać rezalucyju mitynha. Budynak pasolstva byŭ ačepleny amapaŭcami, tamu Sieviaryniec pieradaŭ papieru praź milicyjanta.

Paśla kałona viarnułasia na Kastryčnickuju płošču.

Na momant pačatku demanstracyi naziralniki naličyli bolš za 600 udzielnikaŭ, a z ulikam taho, što skład źmianiaŭsia, možna ličyć, što ahułam udzieł u akcyi ŭziali 700—900 čałaviek. 

***

16:40

Raźvitalnaja pieśnia. Akcyja skončyłasia. Dziakuj, što byli z nami!

16:35 

Padsumavalny mitynh na Kastryčnickaj. Da jaje dajšli niekalki sotniaŭ čałaviek.

Słova maje Siŭčyk. Zaklikaje apazicyju dałučacca da nastupnych pratestaŭ, źviartajecca i da dyjaspary.

16:20

Jašče chvilin 10 — i ludzi viernucca na Kastryčnickuju płošču, adkul i syšli try z pałovaj hadziny tamu.

16:15

Demanstranty dačakalisia kaniec kałony i sabralisia razam kala płoščy Svabody.

15:55

Sieviaryniec zaklikaje paskandziravać «Žyvie Biełaruś!» dla žycharoŭ «doma Čyža», u tym liku i dla Śviatłany Aleksijevič. U kałonie zastajecca kala 200 čałaviek.

15:40

Kałona rušyć pa Staražoŭskaj vulicy da Niamihi.

15:25

Pavieł Sieviaryniec spadziajecca, što paśpieje skončyć akcyju na Kastryčnickaj płoščy da zachadu sonca.

15:20

Śpiecnaz u aŭtobusach byŭ u poŭnym abmundziravańni.

15:15

Častka demanstrantaŭ na čale ź Sieviaryncam vyrašyła viarnucca na Kastryčnickuju płošču, ale mnohija razychodziacca.

15:10

U momant «pieramovaŭ» Sieviarynca ź milicyjaj tranślacyju ŭ internecie hladzieli bolš za 11 tysiač čałaviek.

15:05

Rasijskija dypłamaty nie vyjšli da demanstrantaŭ. Rezalucyju pryniaŭ biełaruski milicyjant, starejšy lejtenant Zubok. «Ja abaviazkova pieradam», — skazaŭ jon Sieviaryncu.

15:00

Kiraŭnictva minskaj milicyi kaža, što pieradaść pradstaŭnikam rasijskaha pasolstva prośbu vyjści da Sieviarynca.

14:50

Kala pasolstva Rasii znachodzicca kiraŭnictva staličnaj milicyi. Padychody da budynka pierakrytyja łancuhom amapaŭcaŭ.

14:40

Na praśpiekcie Mašerava kiroŭca «Leksusa» prasihnaliŭ demanstrantam u znak padtrymki. Praz 200 mietraŭ jaho spynili supracoŭniki DAI i vyrašyli aštrafavać.

Pratakoły skłali i za padaču sihnała, i za adsutnaść techahladu. Chłopiec patłumačyŭ, što pryncypova nie prachodzić jaho.

14:25

Kala pasolstva Rasii aŭtazaki i šmat pravaachoŭnikaŭ.

14:10

Siŭčyk kaža, što kałona rušyć da pasolstva Rasii. Arhanizatary chočuć pieradać tudy rezalucyju mitynha.

13:55

Sieviaryniec davioŭ kałonu da kramy Symbal.by. Kudy dalej?

13:45

Kałona idzie niachutka, demanstranty jašče tolki na skryžavańni praśpiektaŭ Niezaležnaści i Mašerava.

13:30

Hałava kałony padychodzić da Płoščy Pieramohi, jaje kaniec jašče tolki kala cyrka.

13:10

Sotni čałaviek rušać pa praśpiekcie Niezaležnaści ŭ bok płoščy Pieramohi.

Novy łozunh: «Słava nacyi — nijakaj intehracyi!»

Sieviaryniec prapanuje prajści da praśpiekta Mašerava (byłaja Varvašeni), dzie raniej była siadziba BNF, a paśla dabracca da kramy Symbal.by.

13:00

Sieviaryniec anansuje demanstracyju pa vulicach Minska, ale inšym maršrutam, čym było ŭčora.

A tym časam advystupali Maksim Viniarski z «Jeŭrapiejskaj Biełarusi» i Valancin Trocki, paplečnik Statkieviča. Słova ŭziaŭ i Piatro Sadoŭski, jaki byŭ pasłom Biełarusi ŭ Hiermanii ŭ 1990-ja.

12:50

My, hramadzianie Biełarusi, vykazvajem rašučy pratest suprać hłybokaj intehracyi z Rasijaj. Zajaŭlajem ab nielihitymnaści dakumientaŭ, jakija mohuć być padpisanyja. My nie budziem im padparadkoŭvacca. Zaklikajem mižnarodnuju supolnaść prajavić salidarnaść. Biełaruskamu narodu patrebna viartańnie pravoŭ i svabodaŭ, prapisanych u Kanstytucyi, u tym liku prava abirać uładu. Svabodu nie spynić! Niezaležnaść — heta šlach da svabody. Žyvie Biełaruś! — heta karotki źmiest rezalucyi, začytanaj Alenaj Taŭstoj.

Udzielniki pahadzilisia sa źmiestam.

12:50

Siŭčyk prapanuje praciahnuć pratesty, kali adbudziecca nastupnaja sustreča Łukašenki i Pucina — u kancy śniežnia.

12:45

Pa acenkach karespandentaŭ «NN», na płoščy bolš za 500 demanstrantaŭ.

A kanapavych udzielnikaŭ u razy bolš — videa z centra Minska hladziać kala 7500 čałaviek.

12:40

«Nijakich sajuzaŭ ź impierskaj Rasijaj!» — skandziruje Sieviaryniec.

I pieradaje słova Viačasłavu Siŭčyku.

12:35

Milicyjant, jaki papiaredžvaje pra niezakonnaść sustrečy, sprabuje prajści z tryma pamahatymi ŭ cyvilnym prosta praz natoŭp. Adzin raz, druhi, treci… Pačynajecca šturchanina. Niejki ŭdzielnik kryčyć jamu ŭśled «Preč».

A tym časam piśmieńnik Uładzimir Arłoŭ začytvaje svajo słavutaje ese «Niezaležnaść», napisanaje ŭ 1990 hodzie.

12:30

U akcyi prymaje ŭdzieł kala 300 udzielnikaŭ. Spačatku jany pasłuchali malitvu ad śviatara Akułoviča, paśla słova ŭziaŭ Sieviaryniec.

12:25

Jak i ŭčora, Pavieł Sieviaryniec viadzie ludziej na prystupki Pałaca Respubliki.

12:15

Dziaŭčyna staić z płakatam «Proŝaj, niemytaja Rośsija». «Treba choć niešta zrabić, a nie prosta pisać kamientary, što ničoha nie atrymajecca. Mnie nie ŭsio adno», — kaža jana.

Ludzi skandzirujuć «Žyvie Biełaruś!» i «Niezaležnaść».

12:10

Na płoščy kala 200 čałaviek. Zatoje hledačoŭ strymaŭ našmat bolš. U Radyjo Svaboda — bolš za 3000, u «Biełsata» — amal 2000 čałaviek. Plejery ŭnizie hetaha artykuła.

12:05

Rej viadzie Pavieł Sieviaryniec, jon ź miehafonam. Palityk raskazaŭ, što mitynh pačniecca ŭ 12.30. Tady i raskaža pra dalejšuju prahramu dziejańniaŭ.

12:00

Na Kastryčnickaj płoščy pakul kala 50 čałaviek.

***

U centry Minska prachodzić čarhovaja akcyja pratestu suprać intehracyi Biełarusi i Rasii, arhanizavanaja Paŭłam Sieviaryncam.

Papiarednija mitynh i demanstracyja adbylisia 7 śniežnia, napiaredadni pieramovaŭ Alaksandra Łukašenki Uładzimira Pucina. Sustreča kiraŭnikoŭ krain u vyniku skončyłasia ničym.

Čytajcie pra akcyju 7 śniežnia:

Akcyja pratestu suprać intehracyi FOTAREPARTAŽ Nadziei Bužan

Pravakatar, jakoha zatrymali demanstranty ŭ Minsku, identyfikavany

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?