Arhanizatary pratestaŭ u Minsku zajavili, što kałona demanstrantaŭ rušyć da pasolstva Rasii. Arhanizatary chočuć pieradać tudy rezalucyju mitynha.
Voś jon:
«My, hramadzianie Riespubliki Biełaruś, vykazvajem svoj kateharyčny pratest suprać t. zv. «hłybokaj intehracyi» z Rasiejskaj Fiederacyjaj, padpisańnia «darožnych kartaŭ», i zajaŭlajem ab nielehitymnaści lubych pahadnieńniaŭ, jakija padpišuć pradstaŭniki siońniašnich kirujučych režymaŭ Respubliki Biełaruś i RF. Usie damovy, sakretnyja pratakoły pad prykryćciom «sajuznaj dziaržavy» padpisanyja dyktatarami Łukašenka i Pucinym i ich davieranym asobami, nie buduć vyznavacca nami, hramadzianami Respubliki Biełaruś, i my nie budziem im padparadkoŭvacca.
Zaklikajem mižnarodnuju supolnaść prajavić salidarnaść ź biełaruskim narodam, pryznać nielehitymnymi lubyja pahadnieńni miž dyktatarskimi režymami Łukašenki i Pucina ŭ miežach t.zv. «sajuznaj dziaržavy» i ŭvieści dadatkovyja sankcyi ŭ vypadku padpisańnia hetych pahadnieńniaŭ.
Biełaruskamu narodu treba nie niejkija «sajuzy» z krainaj-ahresaram, a viartańnie pravoŭ i svabodaŭ, prapisanych u našaj Kanstytucyi, u tym liku — prava abirać uładu.
U biełaruskaha naroda chopić siłaŭ abaranić Niezaležnaść i damahčysia viartańnia svaich pravoŭ i svabodaŭ.
Svabodu nie spynić!
Niezaležnaść — heta šlach da Svabody!
Žyvie Biełaruś!»
Druhi dzień pratestaŭ. Bolš za 500 demanstrantaŭ rušać pa da pasolstva Rasii ANŁAJN, FOTY, VIDEA
