U tradycyjnym repartažy rasijskaj haziety «Kommiersant» pra sustreču Alaksandra Łukašenki i Uładzimira Pucina vialikaja častka pryśviečanaja asobie rabotnicy słužby pratakoła Darji Šmanaj:
Darja Šmanaj i Natalla Ejsmant.
«A voś u pieramoŭnuju raptam uvarvałasia maładaja žančyna ŭ palito. Heta była Darja Šmanaj, pamočnica prezidenta Biełarusi, jakuju jon u intervju Ksienii Sabčak acharaktaryzavaŭ vyčarpalna: «Daška — heta vyšej za dach».
Dyk voś, Darja Vyšejzadach Šmanaj źjaviłasia ŭ pieramoŭnym pakoi, i nie adna, a z takim stararežymnym dypłamatam, jaki pastaviła na stoł pierad pustym kresłam prezidenta Biełarusi, i pačała pa čarzie vykładvać spačatku papki (ich kolkaść, miarkujučy pa vyhladzie, prykładna supadała z kolkaściu niavyrašanych pytańniaŭ), potym dźvie ručki, a potym jašče i futarał. Usio heta pryznačałasia, biez sumnievu, Alaksandru Łukašenku (tak potym i vyjšła).
Mabyć, Darja Šmanaj i na samaj spravie na daviery ŭ prezidenta Biełarusi — kali jana nie tolki nie ličyć patrebnym zdymać palito ŭ kampanii vialikaj kolkaści mužčyn u kaściumach i halštukach, ale i nosić dypłamat z futarałam biełaruskaha prezidenta».
