Supracoŭnikami narkakantrolu Pieršamajskaha RUUS Minska była atrymana apieratyŭnaja infarmacyja pra dvaich «zakładčykaŭ». Padčas raskładki narkatavara 4 śniežnia 18-hadovy małady čałaviek i 31-hadovaja žančyna byli zatrymanyja na miescy złačynstva, paviedamlaje pres-słužba MUS.

Padčas ahladu miesca zdareńnia, ich žylla i aŭtamabila było znojdziena i kanfiskavana 168 hramaŭ alfa-PVP i 86 tabletak MDMA ahulnaj vahoj 43 hramy, a taksama ŭpakovačny materyjał, elektronnyja šali, bankaŭskija karty, kampjutarnaja technika i pradmiet, padobny na pistalet.

Ustanoŭlena, što para kuplała narkotyki bujnymi partyjami praź internet-kramu, dzialiła na bolš drobnyja častki, paśla čaho chavała zakładki ŭ lasnych masivach Minska. Pa najaŭnaj infarmacyi, u dzień jany rabili kala 50 takich schovanak. Apłata za «tavar» pastupała na bankaŭski rachunak.

Apieratyŭniki praciahvajuć pracu pa ŭstalavańni kanała pastaŭki zabaronienych rečyvaŭ na terytoryju krainy i koła mahčymych pakupnikoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0