Raniej byŭ apublikavany zvarot ad imia Ihara Parečyna na imia Alaksandra Łukašenki. U zajavie Parečyn nazyvaje siabie pamočnikam staršyni Asacyjacyi vieteranaŭ śpiecnaza «Honar» i prosić u Łukašenki dazvoł pravieści pres-kanfierencyju z nahody zajavy eks-supracoŭnika SACHR Juryja Haraŭskaha. Parečyn abiacaje vyvieści Haraŭskaha na čystuju vadu. Pry hetym u samoj asacyjacyi kažuć, što ŭ arhanizacyi niama takoha supracoŭnika, i nijakaj zajavy Łukašenku jany nie adpraŭlali, piša Tut.by.

— U asacyjacyi jość tolki adzin pamočnik staršyni — i heta ja, — zajaviŭ u razmovie z Tut.by Siarhiej Matvijenka. — Čałavieka ź imiem Ihar Parečyn niama ni siarod namieśnikaŭ staršyni, ni siarod radavych členaŭ asacyjacyi — my heta pravieryli. Nichto z nas, u tym liku staršynia Dźmitryj Paŭličenka, nie źviartaŭsia da prezidenta pa dazvoł na praviadzieńnie pres-kanfierencyi, ničoha padobnaha my nie płanujem. Na fonie hučnych publikacyj ciapier iduć niezrazumiełyja zajavy.

Nahadajem, biełarus Juryj Haraŭski ŭ intervju niamieckamu vydańniu Deutsche Welle zajaviŭ, što ŭ 1999-2003 hadach jon byŭ bajcom biełaruskaha Śpiecyjalnaha atrada chutkaha reahavańnia i byŭ adnym z tych, chto 20 hadoŭ tamu vykraŭ i zastreliŭ Zacharanku, Hančara i Krasoŭskaha. U zabojstvach Haraŭski abvinavačvaje kamandzira SACHR Dźmitryja Paŭličenku.

Pry hetym Ihar Parečyn zajaviŭ «Našaj Nivie», što dobra viedaje Juryja Haraŭskaha:

Ja chaču skazać, što ja viedaŭ Juru, jon buchaŭ, skažam tak. I materyjalny jaho stan kiepski… Jon hatovy na ŭsio! Mienavita na ŭsio. I kali ja bačyŭ intervju, ja zrazumieŭ, što jamu prapanavali hrošaj i jon ciapier skaža, usio što chočacie. 

U jaho typovaja prablema mnohich ludziej, jakija vychodziać u maładyja hady na piensiju i nie mohuć uładkavacca, majučy śpiecnavyki i zasłuhi. Chtości šukaje dalej i znachodzić, chtości pačynaje harełku pić, zajmacca aby čym. Mozh pracuje nie tak, pahavarycie z bułdosam, u jaho adno žadańnie — «chaču!». Taki čałaviek sałodki dla śpiecsłužbaŭ, apazicyi toj ža.

Čytajcie taksama:

Pamočnik Paŭličenki źviarnuŭsia da Łukašenki: «Haraŭski — ałkaholik, dazvolcie dać pres-kanfierencyju»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?