Učora milicyja paviedamlała prykmiety mužčyny, jaki padazrajecca ŭ zabojstvie ŭ Malinaŭcy. Infarmacyja była rastyražavanaja ŭ srodkach masavaj infarmacyi i internecie, dziakujučy čamu mahčymy zabojca i byŭ adšukany.
Jak piša pres-słužba viedamstva, siońnia ranicaj da supracoŭnikaŭ patrulna-pastavoj słužby milicyi Kastryčnickaha RUUS Minska źviarnułasia žančyna i paviedamiła, što na aŭtazapraŭcy pa vulicy Karatkieviča jana bačyła mužčynu, padobnaha pa prykmietach.
Pravaachoŭniki stali vyvučać terytoryju, blizkuju da vulicy, i ŭrešcie zatrymali mužčynu ŭ pierachodzie stancyi mietro «Instytut kultury» i dastavili ŭ Kastryčnicki RUUS.
Zatrymanym akazaŭsia niepracujučy minčanin 1984 hoda naradžeńnia, raniej sudzimy za chulihanstva i zabojstva z asablivaj žorstkaściu.
Ciapier supracoŭniki milicyi pravodziać nieabchodnyja śledčyja dziejańni i apieratyŭna-vyšukovyja mierapryjemstvy, kab vyśvietlić, chto ździejśniŭ zabojstva.
