Pra heta Alaksandr Łukašenka zajaviŭ siońnia na pasiadžeńni Rady biaśpieki, paviedamlaje sb.by

Kiraŭnik krainy, u pryvatnaści, adznačyŭ, što siońniašnija źmieny ŭ halinie hłabalnaj i rehijanalnaj biaśpieki na mnohija hady vyznačać nie tolki adnosiny pamiž dziaržavami, ale i napramki dalejšaha raźvićcia Uzbrojenych sił. Ale pazicyja Minska niaźmiennaja:

«Tym nie mienš my vielmi ćviorda, paśladoŭna prytrymlivajemsia miralubnaj palityki, zachoŭvajem status donara biaśpieki ŭ rehijonie, — skazaŭ Łukašenka. — Pry hetym našymi niesumnieŭnymi pryjarytetami zastajucca raźvićcio ŭłasnaj sistemy biaśpieki, a taksama praciah vajennaha supracoŭnictva z krainami družalubnymi nam. Pierš za ŭsio ŭ ramkach SND. Jak kažuć u narodzie, porach zaŭsiody treba trymać suchim. Biełaruskaja armija nikoli nikomu nie pahražała, nie pahražaje i pahražać nie źbirajecca. Jana źjaŭlajecca instrumientam niedapuščeńnia vajny, a ŭ vypadku ahresii pavinna być zdolnaja nie tolki jaje adbić, ale i nanieści nieprymalny ŭron praciŭniku. Asnoŭnaje pryznačeńnie Uzbrojenych Sił zaklučajecca ŭ abaronie suvierenitetu, niezaležnaści i terytaryjalnaj cełasnaści krainy».

Łukašenka zaznačyŭ, što Biełarusi ŭžo čatyry razy jak minimum daviałosia pierastrojvać svaje Uzbrojenyja Siły i, pierš za ŭsio, armiju z tym, jakija padziei adbyvajucca na našaj płaniecie.

«Nastaŭ čas pahladzieć i na samym vysokim uzroŭni, što nam nieabchodna zrabić. Jak stratehična spłanavać abaronu našaj dziaržavy. Voś hetym na praciahu hoda zajmaŭsia Hienieralny štab Uzbrojenych Sił i my pryjšli da vysnovy, što ciapierašni płan abarony, biaśpieki našaj dziaržavy padlahaje pierapracoŭcy, asučaśnieńnia, aktualizacyi i pryniaćcia Rady Biaśpieki, zhodna z našaj Kanstytucyjaj. Razhladalisia pry hetym novyja formy i sposaby viadzieńnia vajennych dziejańniaŭ, zasnavanych na vopycie sučasnych uzbrojenych kanfliktaŭ».

Asablivuju ŭvahu kiraŭnik krainy źviarnuŭ na sistemu svoječasovych papieradžalnych i mier u adkaz u vypadku narastańnia vajennaj pahrozy dla našaj dziaržavy.

Asablivy akcent Łukašenka zrabiŭ na važnaści adkrytaści ŭ pracesie madernizacyi sistemy abarony:

«Pierakanaŭča paprašu ŭsich prysutnych znajści svajo miesca ŭ rastłumačeńni ciapierašniaha rašeńnia. My ničoha nie pavinny chavać ni ad svajho nasielnictva, ni ad našych susiedziaŭ. My pavinny być absalutna prazrystyja, transparentnyja. My pavinny nie pałochać, asabliva našych susiedziaŭ i naša hramadstva, a raspavieści im pra situacyju i tych miery, jakija my płanujem i budziem realizoŭvać u roznych situacyjach».

Клас
0
Панылы сорам
0
Ха-ха
0
Ого
0
Сумна
0
Абуральна
0