U maładziečanskuju milicyju źviarnułasia 71-hadovaja žančyna, paviedamlaje abłasnaja milicyja.

Pažyłaja žančyna jašče ŭ 2012 hodzie ŭbačyła pa televizary rekłamu ekstrasensornaj dapamohi i vyrašyła skarystacca prapanavanymi pasłuhami, jana patelefanavała na paznačany numar.

Sieansy «zdaroŭja» doŭžylisia dva hady. Spačatku lekar-ekstrasens lačyŭ zajaŭnicu ad surjoznaha zachvorvańnia, zatym zdymaŭ psutu z dački. Pra toje, što piensijaniercy pa telefonie akazvajuć dapamohu ŭ vyzvaleńni ad chvarob, jaje svajaki nie viedali. Mahičnyja rytuały abyšlisia žančynie bolš čym u 30 tysiač dalaraŭ. Apłatu jana rabiła šlacham mižnarodnych hrašovych pieravodaŭ. A potym ekstrasens pierastaŭ vychodzić na suviaź.

Ale historyja na hetym nie skončyłasia. U listapadzie joj pastupiŭ zvanok ź nieviadomaha rasijskaha numara. Mužčyna, pradstaviŭšysia supracoŭnikam palicyi, paviedamiŭ ab zatrymańni łžeekstrasensa piacihadovaj daŭniny. Pa słovach mužčyny, maładziečancy mohuć viarnuć hrošy za sieansy «lekara», ale dla hetaha joj nieabchodna pieraličyć peŭnuju sumu ŭ jakaści kamisii i apłaty inšych vydatkaŭ. Žančyna pieraviała 12 tysiač dalaraŭ.

Kali ž stała jasna, što hrošy lasnuli, jana źviarnułasia ŭ milicyju.

Клас
0
Панылы сорам
0
Ха-ха
0
Ого
0
Сумна
0
Абуральна
0