Dniami Alaksandr Łukašenka aburyŭsia zavialikaj kolkaściu administratyŭnych pravaparušeńniaŭ. Pryčyna ich rostu banalnaja — sa źjaŭleńniem kamier fotafiksacyi ŭdałosia pastavić składańnie pratakołaŭ na patok. 

Čytajcie. Łukašenka aburany: «listy ščaścia» ad DAI atrymlivaŭ praktyčna kožny, chto siadzieŭ za rulom

Adnak ciapier ułady vyrašyli źmianić taktyku dziejańniaŭ. Nakolki možna zrazumieć infarmacyju ad krynic i sčytać namioki čynoŭnikaŭ, daišniki pierastanuć štrafavać kiroŭcaŭ za «niaznačnyja» parušeńni.

Što takoje «niaznačnyja»? Praściej pieraličyć «značnyja», za jakija pa-raniejšamu dakładna buduć vypisvacca štrafy:

  • kiravańnie ŭ stanie apjanieńnia
  • prajezd na čyrvonaje śviatło
  • niapropusk piešachoda.

Taksama da ich mohuć pryraŭniać «nachabnyja» pavodziny kiroŭcaŭ.

Aproč taho, pavodle infarmacyi «NN», ciapier buduć radziej vykarystoŭvać (ci ŭvohule nie buduć prymianiać) mabilnyja radary, jakija na vychodnych rasstaŭlali na mižharodnich trasach. 

Narešcie, budzie praviedziena praca pa karekciroŭcy znakaŭ. Šmat dzie prybiaruć abmiežavańni chutkaści.

***

Aficyjny kamientar, apublikavany ŭ telehram-kanale MUS, vyhladaje tak:

«Dniami ministram unutranych spraŭ dadzieny rekamiendacyi supracoŭnikam DAI maksimalna arhanizavać papieradžalnuju pracu z udzielnikami darožnaha ruchu i dyfierencyravana padychodzić da kožnaha kankretnaha vypadku. U asnovie — heta dobrazyčlivy padychod da parušalnikaŭ i razumieńnie z boku hramadzian nieabchodnaści vykanańnia praviłaŭ darožnaj biaśpieki.

Miery administracyjnaha reahavańnia nichto nie vyklučaje. Kali hramadzianin naŭmysna parušaje PDR i nie reahuje na zaŭvahu, mietad razmovy naŭrad ci na jaho padziejničaje. My nie akreślivajem koła parušeńniaŭ praviłaŭ darožnaj biaśpieki, pa jakich budziem reahavać šlacham składańnia pratakołu.

Niemahčyma pakinuć biez uvahi takija fakty jak kiravańnie transpartam u stanie ałkaholnaha apjanieńnia, prajezd na čyrvonaje śviatło, niepropusk piešachoda i inšyja pravaparušeńni, źviazanyja ź biaśpiekaj hramadzian.

Padkreślivaju, što ministr rekamiendavaŭ supracoŭnikam DAI vykarystoŭvać hetuju formu pracy. Jany praciahvajuć kantralavać darožnuju biaśpieku ŭ ramkach dziejučaha zakanadaŭstva.

Akramia hetaha, pradstaŭniki viedamstva prymajuć udzieł u pierapracoŭcy administracyjnaha zakanadaŭstva.

«Na praciahu bližejšaha času supracoŭniki DAI i ŭładalniki daroh (Ministerstva transpartu i kamunikacyj, abłvykankamy i Minharvykankam) praviaduć reviziju darožnych znakaŭ i z ulikam detalovaha analizu zdareńniaŭ, źviazanych z parušeńniem chutkaści ruchu, uniasuć adpaviednyja karekciroŭki ŭ pracu pryboraŭ pa vymiareńni chutkaści», — paviedamiŭ načalnik UDAI MUS Dźmitryj Karziuk».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?