U niadzielu dniom minčuk paviedamiŭ u milicyju, što sa stajanki kala šmatpaviarchovika na praśpiekcie Dziaržynskaha prapaŭ jaho «Falksvahien». Siłaviki znajšli mašynu niedaloka ad Minska ŭ dvary pryvatnaha doma. 76-hadovy haspadar ščyra ździviŭsia vizitu pravaachoŭnikaŭ i raskazaŭ svaju historyju.

Syn mužčyny vałodaje anałahičnym «Falksvahienam» i ciapier znachodzicca za miažoj. U piensijaniera jość klučy, pieryjadyčna jon karystajecca aŭtamabilem z dazvołu syna. U niadzielu, jak zvyčajna, jon pryjšoŭ na stajanku, znajšoŭ aŭto, adčyniŭ, zavioŭ i pajechaŭ na daču. Tolki adznačyŭ, što zamok dźviarej zajadaje. Da prybyćcia pravaachoŭnikaŭ mužčyna byŭ upeŭnieny, što ŭ dvary staić aŭto jaho syna. A na toje, što dziaržnumar inšy, jon uvahi nie źviarnuŭ.

Milicyjaniery pravieryli: sapraŭdy, kluč piensijaniera adčyniaje i zavodzić čužuju mašynu. A na toj samaj parkoŭcy ŭ Minsku staić taki ž «Falksvahien», jaki naležyć jaho synu.

Kryminalnuju spravu zavodzić nie buduć.

Клас
0
Панылы сорам
0
Ха-ха
0
Ого
0
Сумна
0
Абуральна
0