U adnoj ź viosak Vierchniadźvinskaha rajona ŭ susiednich kvaterach pražyvali 63-hadovaja žančyna sa svaim sužycielem i 27-hadovy syn žančyny. Mužčyna prydumaŭ sposab «pasadzić» u turmu syna žančyny i prapanavaŭ jaho sužycielcy, paviedamlaje SK.

Ranicaj 30 listapada 2019 hoda jon patelefanavaŭ u pravaachoŭnyja orhany i paviedamiŭ, što z kvatery źnikli 80 rubloŭ. Mužčyna zajaviŭ, što ŭ kradziažy jon padazraje syna svajoj sužycielki. U chodzie śledstva abvinavačvany davaŭ pakazańni pra toje, što hrošy ŭ jaho źjavilisia paśla prodažu zbožža adnaviaskoŭcy za 60 rubloŭ, a 20 rubloŭ zastalisia ŭ jaho z zarpłaty.

Adnak było ŭstanoŭlena, što mužčyna sapraŭdy pradaŭ ziernie, ale ŭ pačatku śniežnia 2019 hoda. Kali abvinavačany daviedaŭsia, što pravaachoŭniki jaho raskusili, jon i jaho sužycielka va ŭsim pryznalisia. Z-za pastajannych kanfliktaŭ z synam žančyny, jany vyrašyli ad jaho pazbavicca, tamu i prydumali takuju historyju.

Клас
0
Панылы сорам
0
Ха-ха
0
Ого
0
Сумна
0
Абуральна
0