Takuju sumu prapanuje žychar pasiołka Łahožask Mikałaj Čukisaŭ u jakasci ŭznaharodžańnia za lubuju infarmacyju pra miescaznachodžańnie aŭtamabila Miersiedes-Bienc S500, jaki naležyć Juryju Čyžu. Aŭtamabil u W222 kuzavie 2015 hoda vypusku, čornaha koleru, numar 0708 MP-5, piša pln.by.

«Uładalnik chavaje aŭtamabil i pieraškadžaje vykanańniu pastanovy ab prymusovaj buksiroŭcy aŭtamabila na achoŭnuju stajanku, — paviedamiŭ Mikałaj Čukisaŭ. — Uznaharodžańnie budzie vypłačana tolki adnoj asobie i tolki adzin raz paśla paviedamleńnia pa telefonie +375296916289 ci inšym sposabam infarmacyi pra miesca znachodžańnia aŭtamabila i paćviardžeńnia fakta pastanoŭki mašyny pravaachoŭnikami na stajanku».

Pavodle infarmacyi Mikałaja, u apošni raz aŭtamabil zaŭvažyli kala miesiaca tamu ŭ rajonie harnałyžnaha kompleksu Łahojsk. Miersiedes moža znachodzicca jak u Biełarusi, tak i ŭ Maskvie.

Zaraz u sudzie Łahojskaha rajona razhladajecca pazoŭ «Trajpła» da byłoha top-mieniedžara kampanii Mikałaja Čukisava i jaho byłoj žonki Iny Čukisavaj, piša Tut.by. Kampanija, asnoŭnym uładalnikam jakoj źjaŭlajecca Juryj Čyž, sprabuje dakazać fakt nikčemnaści ŭhody pa prodažy doma ŭ Łahožasku pamiž Čukisavym i jaho byłoj žonkaj.

Клас
0
Панылы сорам
0
Ха-ха
0
Ого
0
Сумна
0
Абуральна
0