Pieršy vypadak zaražeńnia karanavirusam 2019-nCoV z Kitaja zafiksavany ŭ Hiermanii. Pra heta paviedamlaje pres-słužba ministerstva achovy zdaroŭja fiederalnaj ziamli Bavaryja, piša rbc.ru.

Virus vyjaŭleny ŭ mužčyny z haradskoj akruhi Štarnbierh. Ciapier jon izalavany i znachodzicca ŭ dobrym kliničnym stanie.

Raniej češskija ŭłady paviedamili, što praviarajuć traich čałaviek na zaražeńnie karanavirusam. Dvoje mužčyn i žančyna ŭ roznych rehijonach krainy niadaŭna pryjechali z Kitaja i adčuli siabie drenna. Va ŭsich ich była ŭziataja kroŭ na analiz, vyniki jakoha buduć viadomyja na praciahu sutak.

Virus pačaŭ pašyracca z horada Uchań u centralnym Kitai ŭ kancy śniežnia. Ciapier kolkaść zachvarełych u krainie pieravysiła 4,5 tys. čałaviek, paćvierdžanyja 106 śmierciaŭ ad uskładnieńniaŭ. Zaražeńnie karanavirusam paćvierdžana ŭ Paŭdniovaj Karei, Japonii, ZŠA, Francyi, Niepale, Tajłandzie, Aŭstralii, Sinhapury.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?