Zdareńnie adbyłosia ŭnačy 28 studzienia: zahareŭsia dom na vulicy Šaŭčenki. Kali padraździaleńni MNS prybyli da miesca vykliku, jany pabačyli, što haryć dach, z voknaŭ idzie dym, piša 112.by

Ale jašče da prybyćcia ratavalnikaŭ rabotnik milicyi vyratavaŭ haspadyniu i jaje znajomych. Supracoŭnik Departamienta achovy MUS starejšy siaržant Andrej Toŭsty, viartajučysia ź miesca vykliku, ubačyŭ dym. Zajšoŭšy ŭnutr, jon pabačyŭ haspadyniu, jakuju vynies na śviežaje pavietra. Paśla hetaha viarnuŭsia nazad i znajšoŭ jašče traich čałaviek, jakich taksama vyvieŭ na vulicu. Usie ludzi byli pjanyja.

Pažar łakalizavany i likvidavany ratavalnikami. Ahniom źniščany dach doma, paškodžanyja vieranda, kuchnia i majomaść. Pryčyna vyśviatlajecca. Razhladanaja viersija — nieaściarožnaść pry kureńni syna haspadyni.

Клас
Панылы сорам
Ха-ха
Ого
Сумна
Абуральна