Lidar BCHD Pavieł Sieviaryniec patłumačyŭ u fejsbuku, navošta apazicyja pravodzić prajmieryz i abiraje adzinaha kandydata.

Pavieł Sieviaryniec. Fota Nadziei Bužan

Pavieł Sieviaryniec. Fota Nadziei Bužan

Jon pryvioŭ try arhumienty.

Pa-pieršaje, Sieviaryniec miarkuje, što abrańnie adzinaha lidara dapamoža naroščvańniu siły.

«Łukašenka, Rasija, Zachad majuć ryčahi i instytuty, kab upłyvać na los Biełarusi. Biełaruski narod nie maje. Apazicyja razdroblenaja, u žalu vartym stanie. Narodnaje hałasavańnie zdolnaje dać adzinstva i siłu, adčuvańnie jednaści i natchnieńnie, — piša palityk. — Siońnia Słonim prahałasavaŭ tak. Zaŭtra Maładziečna hedak. A ty čuŭ, što apazicyja skazała ŭ Homieli?»

Druhi tezis datyčyć patencyjału pratestaŭ na vypadak rasijskaj ahresii. «Pakul apazicyja — dziasiatak havaraščych hałovaŭ, kožnaja sa svajoj adzinaj praŭdaj, daje prosta ŭzajemavyklučny infarmacyjny šum. Patrebny adziny, albo prynamsi bolš hučny hołas. Kampanija daje takuju mahčymaść», — pierakonvaje jon.

Pa-treciaje, Sieviaryniec kaža pra toje, što treba «łamać sistemu falsifikacyj».

«Pieršaje patrabavańnie — adstaŭka Jarmošynaj. Masavy cisk. Atrymlivać paśviedčańnie kandydata z ruk čałavieka, jaki sfalšavaŭ usio, što mahčyma? Moj adkaz — nie», — miarkuje jon.

A nastupnym etapam, maŭlaŭ, budzie patrabavańnie niaŭdziełu Łukašenki ŭ vybarach. «Patencyjał kampanii — miljony biełarusaŭ», — pierakonvaje Sieviaryniec.

Клас
0
Панылы сорам
0
Ха-ха
0
Ого
0
Сумна
0
Абуральна
0