Alaksandr Łukašenka nakiravaŭ pasłańnie Staršyni KNR Si Czińpinu, paviedamlaje BiełTA.

«Darahi siabar, tryvožnyja viestki ab raspaŭsiudzie ŭ Kitai karanavirusa nikoha nie pakinuli abyjakavym u Biełarusi. Ad imia biełaruskaha naroda i ad siabie asabista vykazvaju hłybokija spačuvańni siemjam pamierłych, žadaju najchutčejšaha vyzdaraŭleńnia zachvarełym. My zachaplajemsia mužnaściu kitajskaha naroda i vysokaj efiektyŭnaściu dziejańniaŭ kiraŭnictva KNR u baraćbie z hetym novym, nie viadomym raniej niebiaśpiečnym zachvorvańniem», — havorycca ŭ pasłańni.

Alaksandr Łukašenka adznačyŭ, što z pačućciom salidarnaści i siabroŭskaj padtrymki biełaruski bok pryniaŭ rašeńnie nakiravać u Kitaj humanitarny hruz sa srodkami indyvidualnaj abarony i hetak zapatrabavanymi siońnia miedykamientami. «Niachaj hetaja dapamoha, jakaja idzie ad čystaha serca ŭsich biełarusaŭ, dazvolić družalubnamu kitajskamu narodu spravicca z vyprabavańniami. My hatovyja i dalej vas padtrymlivać u pieraadoleńni hetych časovych ciažkaściaŭ. Tolki skažy, što jašče my mahli b zrabić dla vas. Biełaruś zaŭsiody budzie nadziejnym i addanym siabram Vialikaha Kitaja!» — padkreśliŭ biełaruski kiraŭnik.

Клас
Панылы сорам
Ха-ха
Ого
Сумна
Абуральна