Kitajskija malekularnyja bijołahi vyśvietlili, što adno z antyciełaŭ, adkrytych padčas epidemii atypovaj pnieŭmanii 2003 hoda, moža niejtralizavać virus, jaki vyklikaŭ biahučuju ŭspyšku pnieŭmanii ŭ Kitai i šerahu inšych krain. Pra heta havorycca ŭ artykule, apublikavanym u elektronnaj navukovaj biblijatecy bioRxiv, paviedamlaje TASS.
«Antycieła CR3022, jakoje niejtralizuje virus SARS, vielmi aktyŭna dałučajecca i da virusa 2019-nCoV. Pry hetym, što charakterna, bolš mahutnyja antycieły m396 i CR3014 nie reahavali na virus, što kaža ab unikalnaj struktury białku, pry dapamozie jakoha novy patahien zaražaje kletki čałavieka», - pišuć daśledniki.
Hetaje adkryćcio, jak pišuć navukoŭcy ź Instytuta virusałohii Uchań i univiersiteta Fudań ŭ Šanchai (Kitaj), dazvalaje spadziavacca na toje, što rečyva CR3022, ŭ kambinacyi ź inšymi antyciełami, zdolnymi złučacca z novym karanavirusam, dazvolić dosyć chutka stvaryć pieršyja dziejsnyja srodki dla lačeńnia hetaj formy pnieŭmanii i spynieńnia raspaŭsiudžvańnia virusa.
