Śledčy kamitet Rasii ŭ najbližejšy čas vystavić aficyjnyja abvinavačańni byłym supracoŭnikam palicyi, jakija niezakonna zatrymali ŭ červieni 2019 hoda karespandenta «Mieduzy» Ivana Hałunova.
U viedamstvie adznačyli, što narkotyki, padkinutyja Hałunovu, nabyvalisia i zachoŭvalisia palicejskimi niezakonna.
SK taksama aficyjna nazvaŭ proźviščy palicejskich, jakija prachodziać pa spravie — heta byłyja supracoŭniki adździeła pa kantroli za abarotam narkotykaŭ Maskvy Dzianis Kanavałaŭ, Akbar Sierhalijeŭ, Raman Fieafanaŭ, Maksim Umietbajeŭ i Ihar Lachaviec.
Nahadajem, što žurnalista «Mieduzy» Ivana Hałunova, viadomaha svaimi rezanasnyni rasśledavańniami, zatrymali 6 červienia ŭ Maskvie pa padazreńni ŭ zbycie narkotykaŭ. Žurnalist na pasiadžeńni suda raspavioŭ, što jamu pastupali pahrozy pry padrychtoŭcy rasśledavańnia pra rynak pachavalnych pasłuh.
Zatrymańnie Hałunova vyklikała hramadski rezanans i salidarnaść žurnalisckaj supolnaści ŭ Rasii, i nieŭzabavie reparciora adpuścili, a spravu naohuł spynili.
