U Čechii prahramisty biaspłatna i za adny vychadnyja zrabili servis pa prodažy elektronnych dazvołaŭ dla prajezdu pa płatnych chutkasnych darohach, piša Novinky.cz.

Raspracoŭku i padtrymku sajta i prahram dla iOS i Android u miascovym ministerstvie transpartu acanili amal u 16 ​​miljonaŭ jeŭra. Čatyrochhadovy kantrakt na raspracoŭku servisu zaklučyli z kampanijaj Asseco Central Europe biez adkrytaha konkursu. Češski ministr transpartu Uładzimir Kremlik patłumačyŭ heta žadańniem zrabić servis chutčej.

Miascovych prahramistaŭ aburyła marnatraŭstva ministra. Uładalnik kampanii Actum Digital Tomaš Vandračak zajaviŭ, što takuju ​​pracu možna zrabić za niekalki dzion.

Chakaton praviali na vychadnych u ofisie Actum Digital. Da jaho dałučylisia 60 čałaviek, a zajaŭki padavali 300.

Viečaram niadzieli, 26 studzienia, prahramisty pradstavili servis fairznamka.cz, jaki adpaviadaŭ bolšaści kryteryjaŭ, zajaŭlenych ministerstvam. Pakul što sajt pracuje ŭ testavym režymie.

Pa słovach Vandračaka, sistemu pieradaduć dziaržavie biaspłatna ŭ najbližejšyja tydni.

Paśla hetaj historyi ministru transpartu Uładzimiru Kremliku pryjšłosia syści ŭ adstaŭku.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?