Dziaržaŭny sakratar Savieta biaśpieki Biełarusi Andrej Raŭkoŭ pa inicyjatyvie amierykanskaha boku pryniaŭ 29 studzienia časovaha pavieranaha ŭ spravach ZŠA ŭ Minsku Dženifier Mur i vajennych ataše ZŠA, Hiermanii i Polščy, jakija supravadžali jaje, piša BiełTA.
Na sustrečy abmierkavany pytańni biełaruska-amierykanskaha ŭzajemadziejańnia, a taksama zakranuty prablemy mižnarodnaj i rehijanalnaj biaśpieki ŭ kantekście płanaŭ praviadzieńnia maštabnych vajskovych vučeńniaŭ «Abaronca Jeŭropy — 2020» z udziełam padraździaleńniaŭ uzbrojenych sił ZŠA i šerahu jeŭrapiejskich krain — členaŭ NATA.
Zamiežnyja partniory padrabiazna raskazali ab padrychtoŭcy da pierakidki i razvaročvańnia pryciahnutych voinskich padraździaleńniaŭ u ramkach budučych manieŭraŭ.
Z boku Dženifier Mur i vajskovych ataše krain NATA paćvierdžana hatoŭnaść prademanstravać maksimalnuju transparentnaść vučeńniaŭ «Abaronca Jeŭropy — 2020» u duchu dziejučych mižnarodnych pahadnieńniaŭ i abaviazacielstvaŭ pa mierach davieru i biaśpieki.
