Biełaruskija lekary na čale ź ministram achovy zdaroŭja Uładzimiram Karanikam płanujuć palacieć u Kitaj dla vyvučeńnia situacyi z karanavirusam. Pra heta karespandentu ahienctva «Minsk-Naviny» paviedamili ŭ pres-słužbie Ministerstva achovy zdaroŭja.

Fota: Minsk-Naviny.

Fota: Minsk-Naviny.

Nahadajem, siońnia samalot IŁ-76MD vylecieŭ u Piekin z aeradroma Mačuliščy. Raniej Alaksandr Łukašenka rasparadziŭsia nakiravać u Kitaj samalot z najbolš nieabchodnymi miedykamientami i raschodnymi materyjałami dla padtrymki ŭ baraćbie z uspyškaj karanavirusa. Usiaho ŭ Kitaj nakiravana 20 t humanitarnaj dapamohi. Hruz farmavaŭsia ŭ adpaviednaści z zapytam kitajskaha boku.

Jak prakamientavaŭ ministr achovy zdaroŭja Karanik, «nichto nie sumniavajecca ŭ zdolnaści Kitaja kantralavać situacyju, ale ciapier usie jaho resursy skancentravanyja ŭ najbolš niebiaśpiečnych rajonach. A ŭ inšych rehijonach, u tym liku na fonie paničnych nastrojaŭ, moža ŭźnikać ažyjataž na niekatoryja leki abo miedycynskija vyraby. Tamu lubaja dapamoha i reziervy, jakija jość u rasparadžeńni kitajskaha Ministerstva achovy zdaroŭja, buduć zapatrabavanyja».

Pa słovach Karanika, biełaruskija miedyki taksama hatovyja vylecieć u Kitaj dla abmienu vopytam z kalehami i vyznačeńnia najbolš efiektyŭnych mietadaŭ prafiłaktyki raspaŭsiudžvańnia infiekcyi. Hrupa miedykaŭ pa vyvučeńni situacyi z karanavirusam sfarmiravana.

Клас
Панылы сорам
Ха-ха
Ого
Сумна
Абуральна