Alaksandr Łukašenka pryznačyŭ novaha namieśnika kiraŭnika Administracyi prezidenta — Valeryja Bielskaha, eks-dyrektara Instytuta ekanomiki NAN Biełarusi.
Dyrektar respublikanskaha vytvorča-handlovaha pradpryjemstva «Biełaruśhandal» Hienadź Bohdan pryznačany namieśnikam kiraŭnika spraŭ prezidenta Biełarusi.
Taksama siońnia było ŭzhodniena pryznačeńnie Vadzima Zarankina na pasadu staršyni Viciebskaha harvykankama.
A na pasadu kiraŭnika administracyi Maskoŭskaha rajona Bresta ŭzhodnieny Andrej Fiłanovič.
Valeryj Bielski
Naradziŭsia ŭ 1968 hodzie ŭ vioscy Dzievašyčy Białynickaha rajona Mahiloŭskaj vobłaści. Skončyŭ Biełaruskuju dziaržaŭnuju sielskahaspadarčuju akademiju (1993). Kandydat ekanamičnych navuk (2001).
Z 1997 hoda pracavaŭ u ekanamičnych navukovych instytutach.
U 2006-2008 — pieršy namieśnik dyrektara Instytuta ekanomiki Akademii navuk, u 2008-2012 — dyrektar Instytuta sistemnych daśledavańniaŭ u APK Akademii navuk. U 2012-2015 hadach pracavaŭ na pasadzie pamočnika ministra pa pramysłovaści i ahrapramysłovym kompleksie Jeŭrazijskaj ekanamičnaj kamisii. Z 2015 hoda — rektar Instytuta padrychtoŭki navukovych kadraŭ Akademii navuk.
U 2016 — 2020 — dyrektar Instytuta ekanomiki Akademii navuk.
