Viadomy biełaruski viełahonščyk Vasil Kiryjenka va ŭzroście 38 hadoŭ abviaściŭ ab zaviaršeńni karjery praz prablemy sa zdaroŭjem, paviedamlaje by.tribuna.com.
«Heta sumny dzień, ale ja vymušany prysłuchacca da parad lekaraŭ kamandy. U mianie była vydatnaja karjera, ja atrymlivaŭ asałodu ad kožnaha jaje momantu. Heta było nievierahodnaje padarožža. Udziačny ŭsim, chto mianie padtrymlivaŭ», — skazaŭ Kiryjenka.
Vasil Kiryjenka źjaŭlajecca šmatrazovym udzielnikam «Džyra dJItalija». Trojčy stanaviŭsia pieramožcam etapaŭ viełamnahadzionki, a taksama etapu «Vuelty». U 2015-m hodzie vyjhraŭ čempijanat śvietu na šašy i treku. Čatyrochrazovy čempijon Biełarusi, dvojčy vyjhravaŭ Jeŭrapiejskija hulni.
Nahadajem, u 2016 hodzie viełahonščyk Vasil Kiryjenka trapiŭ u skandał. Jon zajaviŭ, što ličyć biełaruskuju movu miortvaj, i što jamu cikaviej viedać movu baskaŭ.
Čytajcie taksama: Viełahonščyk Vasil Kiryjenka: Biełaruskaja mova — miortvaja, mnie cikaviej viedać movu baskaŭ
