Kali mašyna čarhovy raz nie dajechała da pacyjentaŭ, bo pałamałasia pa darozie, mužčyna napisaŭ skarhu na imia hałoŭnaha doktara Navapołackaj balnicy Siarhieja Niakrasava.

«Takoje zdarajecca nie pieršy raz. Mašyna to łamałasia pa darozie, to naohuł nie dajazdžała da nas. Apošniaj kroplaj było toje, što za nami, šaściu pacyjentami, pryjechała chutkaja, u jakoj možna pieravozić nie bolš za troch čałaviek. Na naša pytańnie, što nam rabić, było skazała: «Dajedziecie ŭžo jak-niebudź». Mianie cikavić, čamu daktary, jakija pavinny adkazvać za zdaroŭje pacyjentaŭ, padviarhajuć nas niebiaśpiecy», — kaža Hieorhij Aleksandrovič.

«Naša Niva» z tym ža pytańniem źviarnułasia da namieśnicy hałoŭnaha doktara Navapołackaj balnicy Iryny Šamiankovaj.

«My atrymali piśmovy zvarot ad hetaha pacyjenta. U balnicy stvoranaja kamisija, jakaja pravodzić pravierku pa tych niedachopach, jakija ŭkazaŭ pacyjent. Jak tolki vyniki buduć hatovyja, zmožam niešta skazać. Ale ja dumaju, što takija aburalnyja vypadki, jakija apisaŭ u skarzie pacyjent, nie paćvierdziacca. Pakul ža ja chaču skazać, što pierad kožnym vyjezdam my praviarajem mašyny na spraŭnaść. Vy ž taksama karystajeciesia transpartam, viedajecie, što mašyna moža raptam pałamacca. Na siońnia aŭtapark našaj balnicy ŭkamplektavany nieabchodnaj kolkaściu mašyn. Kali ŭźnikaje patreba, starajemsia mašyny abnaŭlać», — adkazvaje Iryna Šamiankova.

 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?