Fota khaosodenglish.com.

Fota khaosodenglish.com.

Pavodle danych miascovych ŚMI, vajskoviec zastreliŭ troch čałaviek na terytoryi vajskovaj častki. Zatym sieŭ u džyp i nakiravaŭsia ŭ centr horada, pa darozie stralajučy ŭ hramadzianskich, paśla čaho ŭziaŭ u zakładniki ludziej u handlovym centry.

U horadzie Nakchanratčasima, što znachodzicca na paŭnočnym uschodzie Tajłanda, vajskoviec adkryŭ stralbu, jość achviary i paciarpiełyja. Pra heta paviedamlaje hazieta Thai Rath.

Pavodle danych Ministerstva achovy zdaroŭja krainy, zahinuli 17 čałaviek.

Jak paviedamlaje hazieta Bangkok Post, stralbu na vajennaj bazie adkryŭ kaprał Džakrapant Tomi. Spačatku jon zastreliŭ svajho kamandzira, pałkoŭnika Anantarota Krase, paśla čaho zabiŭ jašče dvuch čałaviek na terytoryi vajskovaj častki. Imi akazalisia vajskoviec i 63-hadovaja žančyna.

Zatym strałok sieŭ u vajskovy aŭtamabil Humvee i adpraviŭsia ŭ handlovy centr Terminal 21, raźmieščany ŭ centry horada. Pa darozie da HC jon abstrelvaŭ hramadzianskich, a ŭ handlovym kompleksie ŭziaŭ hrupu ludziej u zakładniki.

Jak adznačaje hazieta, svaje dziejańni ŭ handlovym centry vajskoviec zdymaŭ na mabilny telefon i tranślavaŭ praz Facebook. Praź niekatory čas jaho akaŭnt byŭ zabłakavany, udakładniaje Bangkok Post.

Pavodle danych vydańnia Naewna, strałok znachodzicca na čaćviortym paviersie handlovaha centra z 16 zakładnikami. Na miesca prybyŭ śpiecnaz.

Клас
0
Панылы сорам
0
Ха-ха
0
Ого
0
Сумна
0
Абуральна
0