U Lidskim voziery ledź nie patanuła dzicia. Jaho vyratavaŭ 20-hadovy Leanid Zdanovič, jaki vypadkova apynuŭsia pobač. Incydent adbyŭsia 4 lutaha, piša lidanews.by.

Leanid Zdanovič. Fota lidanews.by.

Leanid Zdanovič. Fota lidanews.by.

«Ja išoŭ pa nabiarežnaj — viartaŭsia z vorkaut-placoŭki na Lidskim voziery, dzie treniravaŭsia. Pačuŭ, jak žančyny kryčać: «Dzicia tonie». Ja kinuŭ pakiet z krasoŭkami, pieraskočyŭ praz aharodžu i skoknuŭ u vadu», — raspavioŭ Leanid.

Braty 9 i 11 hod viartalisia damoŭ sa škoły. Pakul adzin čakaŭ aŭtobus na prypynku, druhi vyrašyŭ pakidać u vadu kamieńčyki. Ale nie ź bietonnaha parapieta, a spuściŭšysia nižej, bližej da vady. Adchon byŭ pakryty lodam — dzicia paśliznułasia i ŭpała ŭ vadu.

«Płyń jaho krychu adniesła ad bieraha, ale ja vysoki, mnie dastatkova było zrabić paru hrabkoŭ, kab dapłyści da chłopčyka. Kali ja trymaŭ jaho na rukach, razumieŭ, što ŭdvaich adnačasova nam nie vybracca — bietonny adchon unizie vielmi ślizki. Tamu ja vyšturchnuŭ dzicia ŭ ruki starejšamu bratu. Paśla vybraŭsia sam. Užo na bierazie ja padchapiŭ dzicia i bieham adnios jaho ŭ bližejšy kijosk — razumieŭ, što toj aciaplajecca, i chłopčyk zmoža choć trochi sahrecca», — patłumačyŭ Leanid.

Adsiul mokraha školnika, jaho brata i Leanida ratavalniki dastavili na vyratavalnuju stancyju. Paciarpiełamu akazali nieabchodnuju dapamohu: źniali mokruju vopratku, raścierli cieła, uchutali ŭ ciopły pled.

Leanid Zdanovič navučajecca na druhim kursie Akademii MUS. U Lidzie jon byŭ na vakacyjach.

Клас
0
Панылы сорам
0
Ха-ха
0
Ого
0
Сумна
0
Абуральна
0