Žychary šmatkvaternaha doma ŭ indyjskim horadzie Čałakudy paskardzilisia ŭładam, što nie mohuć pamycca i nabrać pitnoj vady, tamu što ź ich kranaŭ ljecca ałkahol, piša Bi-Bi-Si. Jon trapiŭ u adkryty kałodziež i prasačyŭsia ŭ vadapravod.

Fota Joshy Maliyekkal

Fota Joshy Maliyekkal

Akazałasia, što šeść hadoŭ tamu pobač z domam znachodziŭsia bar. Jon daŭno začyniŭsia, a ŭsio śpirtnoje było kanfiskavana i apiačatana. Tolki na minułym tydni čynoŭniki horada atrymali dazvoł na jaho ŭtylizacyju. Jany nie prydumali ničoha lepšaha, čym vylić 6000 litraŭ ałkaholu ŭ jamu pobač z kałodziežam.

Spačatku bližejšy žyły dom prosta prapach śpirtam, a potym z kranaŭ paliłasia sumieś likioru, piva, brendzi, romu i vady.

Śvidravinu pačali čyścić ad śpirtnoha, a paciarpiełym arhanizavali dastaŭku pitnoj vady. Žychary patrabujuć pakarańnia dla čynoŭnikaŭ: pierad utylizacyjaj jany pavinny byli pakłapacicca pra toje, kab nie nanieści škodu ludziam i navakollu.

Клас
0
Панылы сорам
0
Ха-ха
0
Ого
0
Сумна
0
Абуральна
0