Ivan Ejsmant

Ivan Ejsmant

U Biełarusi stvorać novy navinavy telekanał. Pra heta siońnia paviedamiŭ žurnalistam ministr infarmacyi Alaksandr Karlukievič paśla narady ŭ Łukašenki z kiraŭnikami dziaržaŭnych ŚMI, pieradaje BIEŁTA.

«Razmova išła ab stvareńni navinavaha televizijnaha kanała ŭ farmacie raboty Biełteleradyjokampanii. Jon budzie stvorany ŭ hetym hodzie i pačnie pracu kali nie ŭ kancy hoda, to ŭ pačatku nastupnaha», — adznačyŭ Alaksandr Karlukievič.

«Ja razhladaŭ by hety prajekt jak prajekt ŭsich dziaržaŭnych ŚMI, — skazaŭ kiraŭnik Biełteleradyjokampanii Ivan Ejsmant. — Heta budzie, jak my pakul bačym, typovy navinavy infarmacyjna-analityčny televizijny kanał. Možna paraŭnać, napeŭna, z Euronews, moža być, z BBC, chaj heta niaścipła, pakul my jašče nie stvaryli jaho. Jak my miarkujem, viaščać jon budzie z 7.00 da 24.00. Budzie stvorany na bazie Biełteleradyjokampanii, Ahienctva telenavin. Heta budzie asobnaja knopka. I jon budzie pracavać va ŭviazcy z pašyranaj internet-dyrekcyjaj Biełteleradyjokampanii, jakuju taksama voś-voś čakajuć vialikija reformy. Usie našy prapanovy byli padtrymanyja. I całkam mahčyma, što ŭ najbližejšy čas u našaj krainie źjavicca jašče adzin infarmacyjny internet-partał. Heta budzie simbijoz telebačańnia i internetu».

Клас
0
Панылы сорам
0
Ха-ха
0
Ого
0
Сумна
0
Абуральна
0