kremlin.ru

kremlin.ru

Urad Sudana pahadziŭsia vykanać zapyt Mižnarodnaha kryminalnaha suda (MKS) i vydać patrebnych asob. Rašeńnie pryniata padčas mirnych pieramovaŭ pamiž uradam Sudana i paŭstanckimi hrupoŭkami z Darfura. Takoje rašeńnie robić mahčymym adpraŭku byłoha prezidenta Amara al-Bašyra ŭ Haahu, dzie jamu buduć pradjaŭleny abvinavačańni, paviedamlaje «Radyjo Svaboda».

Al-Bašyr kiravaŭ Sudanam z kastryčnika 1993 hoda pa krasavik 2019-ha, kali byŭ adchileny ad ułady ŭ vyniku vajennaha pieravarotu i aryštavany.

Jaho vinavaciać u hienacydzie i vajennych złačynstvach, učynienych padčas darfurskaha mižetničnaha kanfliktu na poŭdni Sudana, jaki ŭspychnuŭ u 2003 hodzie. Achviarami vajny stali kala 300 tysiač čałaviek.

Pradstaŭnik urada Sudana zajaviŭ 11 lutaha, što «spraviadlivaść nie moža być adnoŭlenaja, kali my nie zmožam zahaić rany». Pa słovach Chasana Eltaiša, urad vyrašyŭ, što kožny, na čyjo imia vypisany ordar na aryšt, budzie dastaŭleny ŭ Mižnarodny kryminalny sud u Haahu.

Клас
0
Панылы сорам
0
Ха-ха
0
Ого
0
Сумна
0
Абуральна
0