Siońnia ŭ 86-j pahraničnaj hrupie maje adbycca raźbiralnictva z žycharom Staŭbcoŭskaha rajona, jaki pry pierasiačeńni miažy 3 lutaha ŭ punkcie propusku «Piasčatka» zładziŭ pierad pahraničnikami pierformans. 

Fota Pahraničnaha kamiteta

Fota Pahraničnaha kamiteta

Sprava ŭ tym, što hety hramadzianin — adept modnaha ŭ vuzkich kołach kultu SSSR, jon i jaho adnadumcy nazyvajuć siabie «čałaviekami».

Asnoŭnaja ideja «čałaviekaŭ» u tym, što nijakaha raspadu SSSR nie było: maŭlaŭ, adpaviednych dakumientaŭ niama. A značyć, «na akupavanaj terytoryi BSSR uźnikła jurydyčnaja firma RB, jakoj kiruje haŭlajtar Łukašenka». Aproč hetaha, «nijakich hramadzian Respubliki Biełaruś niama, bo savieckaje hramadzianstva nichto nie skasoŭvaŭ, tamu ciapierašnija pašparty — heta aŭsvajsy dla pierasoŭvańnia na časova akupavanaj terytoryi».

Čytajcie taksama: Adepty SSSR teraryzujuć čynoŭnikaŭ: daviali deputata da isteryki, na ŭpaŭnavažanaha pa spravach relihij vyklikali AMAP. Chto jany? VIDEA

Što adbyvałasia na pierachodzie, «Našaj Nivie» raskazaŭ aficyjny pradstaŭnik Pahraničnaha kamitetu Anton Byčkoŭski. 

«Hety hramadzianin u punkcie propusku pakazaŭ pašpart, vydadzieny ŭ 2002 hodzie. Naturalna, što abličča čałavieka za 18 hod istotna źmianiłasia. U takich vypadkach pahraničniki zadajuć dadatkovyja pytańni, naprykład, u jaho paprasili raśpisacca na papiercy, kab paraŭnać počyrk. Jon admoviŭsia i pačaŭ patrabavać starejšaha źmieny, zajaviŭ, što pašpart uvohule nie jahony: maŭlaŭ, heta majomaść Respubliki Biełaruś. Uklučyŭ videazapis, chacia punkt propusku — režymny abjekt, na im zdymać zabaroniena.

Tak vyhladajuć samarobnyja «dakumienty» «čałaviekaŭ» 

Tak vyhladajuć samarobnyja «dakumienty» «čałaviekaŭ» 

Staršy źmieny prapanavaŭ jamu pakazać niejkija inšyja dakumienty, jaki maje z saboj, a taksama zapatrabavaŭ vyklučyć videa. Toj admoviŭsia, nazyvaŭ siabie «prosta čałaviekam», a nie fizičnaj asobaj, pačaŭ patrabavać padpisanyja aryhinały narmatyŭna-pravavych aktaŭ. Urešcie, viarnuŭsia ŭ svaju mašynu, stvaryŭšy niazručnaści tym, chto stajaŭ u toj pałasie.

Dla praviadzieńnia pracesualnych dziejańniaŭ jaho zaviali ŭ słužbovaje pamiaškańnie z užyvańniem siły, ahułam raźbiralnictvy ź im zaniali amal 9 hadzin.

«Adpuścili jaho pad abaviazacielstvy ab jaŭcy na administratyŭny praces pa art. 23.32 (parušeńnie režymu ŭ punkcie propusku) i 23.4 (niepadparadkavańnie zakonnamu rasparadžeńniu) KaAP, sankcyja pa kožnym artykule — štraf da 50 bazavych vieličyń, siońnia adbudziecca praces», — skazaŭ Byčkoŭski.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?