U Homieli badziažnyja sabaki paškodzili pryparkavanuju ŭ dvary mašynu. Vypadak nie harantyjny, a žyvioły praciahvajuć badziacca, paviedamlajuć «Mocnyja naviny».

11 lutaha kala šostaj ranicy ŭ dźviery kvatery miascovaj žycharki pahrukaŭ susied i paviedamiŭ navinu — jaje mašyna paškodžana. Vyjšaŭšy na vulicu i ahledzieŭšy aŭtamabil, Alona žachnułasia: na ziamli valałasia razłamanaja na častki numarnaja ramka, paškodžana łakafarbavaje pakryćcio, kapot, piarednija kryły, bampier, rašotka i vadzicielskija dźviery. Žančyna nie zmahła strymać śloz, bo jana kupiła mašynu ŭ sałonie ŭsiaho dva hady tamu.

Kab znajści chulihanaŭ, hamialčanka źviarnułasia ŭ milicyju. U susiedziaŭ na bałkonie visić kamiera videanazirańnia, tamu vinavatych vyličyli adrazu.

Žančyna źviarnułasia da dyleraŭ, bo aŭto na harantyi, adnak ich słovy jaje nie abnadzieili — heta nie strachavy vypadak. Papiarednie ŭron acanili ŭ 1800 rubloŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0