Arkadź Izrailevič. Fota Nadziei Bužan

Arkadź Izrailevič. Fota Nadziei Bužan

Viadomy biznesmien i kiraŭnik hrupy kampanij «IV» Arkadź Izrailevič atrymaŭ list ad infarmacyjna-aśvietnickaj ustanovy «Amaroka» z prośbaj akazać sponsarskuju dapamohu. U liście havorycca, što 22 lutaha płanujecca MovaFest, śviata naviedajuć kala 5 tysiač čałaviek i mierapryjemstva ŭzhodniena z Administracyjaj prezidenta. Ale kali kampanija Izraileviča vyrašyła pieraličyć hrošy, «Amaroka» admoviłasia «pa maralnych mierkavańniach», piša Tut.by.

— U mianie da biełaruskaj movy talerantnaje staŭleńnie, ja ŭsio vydatna razumieju, mahu čytać na biełaruskaj, siarod maich znajomych jość tyja, chto razmaŭlaje pa-biełarusku. Voś adzin ź ich i raspavioŭ, što «Amaroka» budzie pravodzić mierapryjemstva. Ja ŭdakładniŭ: ci nie palityčnaje jano, skazali, što nie, mierapryjemstva nakiravana na raźvićcio biełaruskaj movy. Biez prablem, čym zmahu — dapamahu. I mnie dasłali list, — raspaviadaje Tut.by Arkadź Izrailevič.

U pieršych ža radkach paznačana, što list adrasavany Arkadziu Izraileviču. «22 lutaha 2020 u prastory «OK16» my arhanizujem śviata «MovaFest», jakoje, jak my płanujem, naviedaje kala 5 tysiač čałaviek. Mierapryjemstva nie kamiercyjnaje i budzie z volnym uvachodam. (…) Praviadzieńnie mierapryjemstva ŭzhodniena z namiesnikam kiraŭnika Administracyi prezidenta pa ideałohii Andrejem Kuncevičam. Źviartajemsia da vas pa rekamiendacyi z prośbaj akazać sponsarskuju padtrymku ŭ arhanizacyi mierapryjemstva ŭ pamiery 3000 rubloŭ».

Jak raspaviadaje kiraŭnik hrupy kampanij «IV» Izrailevič, jon vyrašyŭ padtrymać MovaFest. Tym bolš, u 2018 hodzie ŭžo pieraličvaŭ tysiaču rubloŭ Tavarystvu biełaruskaj movy imia Franciška Skaryny. Ale kali juryst kampanii źviazaŭsia z «Amaroka», vyśvietliłasia: hrošy ŭžo nie patrebnyja.

— Mnie skazali: «Vybačajcie, ale my nie možam pryniać sponsarskuju dapamohu ad vas pa maralnych mierkavańniach. Dumaju, vy razumiejecie, pra što ja». Pa praŭdzie, nie razumieju: «Dziŭnyja vy, sami ž list napisali», — pieradaje toj samy dyjałoh juryst kampanij «IV» Taćciana.

Sam Arkadź Izrailevič taksama nie razumieje, čamu tak vyjšła. Mahčyma, heta źviazana z tym, što biznesmien abaraniaŭ restaran «Pajedziem pajadzim», pabudavany pobač z ŭročyščam Kurapaty.

— Tak, u mianie jość peŭnyja pohlady, i ja ad ich nie admaŭlajusia, ale čamu jany błytajuć heta z asabistym? Sprava ž tyčycca papularyzacyi biełaruskaj movy, — adznačaje biznesmien Arkadź Izrailevič. — U nas dźvie dziaržaŭnyja movy, kali b dziaržava papularyzavała biełaruskuju — heta narmalna. U mianie vyklikaje pavahu, kali pryjazdžaješ u Litvu, jakaja značna mienš Biełarusi, a tam usie havorać na rodnaj movie.

TUT.BY u «Amaroka» paćvierdzili: hrošy sapraŭdy nie patrebnyja.

— U nas vialikaja kamanda, i adzin z našych supracoŭnikaŭ dasyłaŭ hetyja listy šmat jakim partnioram. I my da apošniaha nie zaćvierdzili, kaho chočam bačyć u partniorach. Kali b my viedali pra hetuju situacyju, adrazu b nie prasili hrošaj. Tak vyjšła, što technična lict dajšoŭ da Izraileviča, kali my pabačyli chto adrasat, admovilicia. My vybačylicia za heta pa telefonie i taksama vielmi chočam vybačycca praz TUT.BY pierad Arkadziem Izrailevičam, što takaja situacyja skłałasia, — kamientuje dyrektar «Amaroka» Alaksiej Šumiłaŭ, mienavita za jaho podpisam byŭ adpraŭleny list biznzsmienu.

Šumiłaŭ tłumačyć, što padtrymki arhanizacyi ŭžo chapała, i situacyja składanaja: «My nie možam i nie chočam brać hetyja hrošy».

— Kali Arkadź Izrailevič choča padtrymać biełaruskuju movu, to moža pieraličyć hrošy na roznyja kraŭdfandynhavyja płatformy, jość roznyja biełaruskija inicyjatyvy. Dumaju, hetuju situacyju možna vypravić, jon moža padtrymać kaho zaŭhodna, — dadaje Alaksiej Šumiłaŭ. — U nas nievialikaje pamiaškańnie, vielmi šmat zvankoŭ pastupaje, kab nas padtrymać, dapamahčy infarmacyjna, a my admaŭlajem navat svaim siabram, bo ŭ pamiaškanni niama miesca, kab kahości fizična pradstavić.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?