Brut — novy hadavaniec Minskaha zaaparka. Hety pryhažun — čarotavy kot, jaki prybyŭ z Novasibirskaha zaaparka. Padarožža jon pieranios dobra.

Naradziŭsia Brut 4 krasavika 2019 hoda, jon jašče zusim junak (u pryrodzie praciahłaść žyćcia čarotavaha kata dasiahaje 13-15 hadoŭ). Zrazumieć charaktar Bruta pakul składana, jon jašče pryhladajecca da novaha doma i nieachvotna pakazvajecca. Tak što ŭbačyć jaho možna nie adrazu. Kot moža chavacca ŭ valjery ŭ svaim domiku.

Čarotavy kot — adzin ź jarkich pradstaŭnikoŭ siamiejstva kacinych. U niekalki razoŭ bolšy za zvyčajnuju kotku i z pendźlikami na vušach. Dziakujučy hetamu, žyvioła atrymała svaju druhuju nazvu — «bałotnaja ryś». Vaha čarotavaha kata moža dasiahać 12 kiłahramaŭ. Žyvioła imkniecca paźbiahać adkrytych prastoraŭ i vybiraje miascovaść z vysokaj travoj ci chmyźniakom.

Hety kot — vydatny palaŭničy. Zvyčajna napadaje z zasady, ale moža padpilnavać zdabyču i kala nary. Siłkujecca čarotavy kot zvyčajna roznymi drobnymi hryzunami i ptuškami, ale moža ŭžyvać u ježu rybu, jaščarak, čarapach i navat źmiej.

Ubačyć čarotavaha kata možna ŭ adkrytym valjery pobač z čyrvonymi vaŭkami i karakałam, niedaloka ad centralnaj alei.

Клас
0
Панылы сорам
0
Ха-ха
0
Ого
0
Сумна
0
Абуральна
0