fota Siarhieja Hudzilina
Biełstat nazvaŭ pieršyja danyja, atrymanyja padčas pierapisu nasielnictva — 2019. Pakul viadomyja tolki ličby, datyčnyja kolkaści nasielnictva.
Adkazy na moŭnyja i nacyjanalnyja pytańni apublikujuć tolki ŭ vieraśni 2020 hoda, bo jany ŭsio jašče apracoŭvajucca.
Adnak staršynia Biełstata Ina Miadźviedzieva ŭžo anansavała, jakim budzie vynik.
«My čakajem, što z ulikam praviedzienaj infarmacyjnaj pracy, što danyja pa vykarystańni biełaruskaj movy buduć značna vyšejšyja za minuły pierapis», — zajaviła jana.
Nazvać biełaruskuju movu rodnaj zaklikali pradstaŭniki intelihiencyi. Taki adkaz padčas pierapisu dała i Nobieleŭskaja łaŭreatka Śviatłana Aleksijevič.
Padčas pierapisu-1999 biełaruskuju movu nazvali rodnaj 73% apytanych. U 2009 hodzie takich naličyłasia 53%.
Pamiž pierapisami daśledavańni z padobnymi pytańniami pravodziać dziaržaŭnyja sacyjałahičnyja słužby.
U 2016 hodzie jany dekłaravali parytet: maŭlaŭ, pa 45% nazvali rodnaj movaj i biełaruskuju, i ruskuju.
A ŭžo ŭ nastupnym hodzie nibyta adbyŭsia razvarot. 48% čałaviek paličyli biełaruskuju movu rodnaj, a ruskuju — tolki 43%.