Nacyjanalny aeraport Minsk i vienhierskaja łaukost-kampanija WizzAir pa asnoŭnych pazicyjach damovilisia, ale rašeńnie ab dacie pačatku palotaŭ u Biełaruś za avijakampanijaj, paviedamiŭ siońnia žurnalistam dyrektar Departamienta pa avijacyi Mintransa Arciom Sikorski, piša BIEŁTA.
«Pavodle infarmacyi Nacyjanalnaha aeraporta Minsk, praviedzieny kanstruktyŭnyja pieramovy, pa ŭsich asnoŭnych pazicyjach jany damovilisia, ciapier zastałosia pytańnie ź vienhierskim bokam, kali WizzAir pryjdzie. Na hetym tydni zapłanavany kansultacyi z pasłom Vienhryi, jakija projduć u Departamiencie pa avijacyi, ja spadziajusia, tam budzie daviedziena pazicyja vienhierskaha boku. My ŭ cełym hatovyja kansultavać, ŭzajemadziejničać ź vienhierskim bokam, kab pieravozčyk realizavaŭ pahadnieńni, jakija isnujuć pamiž administracyjami», — skazaŭ Arciom Sikorski.
Pradstaŭnik Mintransa źviarnuŭ uvahu, što pahadnieńnie pamiž avijacyjnymi administracyjami Biełarusi i Vienhryi padpisana, pieravozčyk u luby momant moža pačać paloty paśla prachodžańnia peŭnych pracedur akredytacyi.
«Jość damoŭlenaść ab palotach Budapiešt-Minsk, pra namier lotać u abłasnyja aeraporty vienhierski pieravozčyk nie paviedamlaŭ», — skazaŭ Sikorski
Raniej paviedamlałasia, što WizzAir moža pačać lotać u Minsk z Budapiešta ŭviesnu.
