Biełaruś čakaje dva tankiery nafty ź pieravałkaj u Litvie, paviedamlaje Interfaks.
«Tak, paćviardžaju», — zajaviŭ pres-sakratar kancerna «Biełnaftachim» Alaksandr Ciščanka.
Razam z tym jon adznačyŭ, što pakul nie moža nazvać krainu-pradaŭca nafty.
Raniej BNS sa spasyłkaj na «Litoŭskija čyhunki» (Lietuvos gelezinkeliai) paviedamiła, što ŭ Kłajpiedu ŭ sakaviku pryjduć jašče dva hruzy nafty dla Biełarusi — dva tankiery dastaviać pa 85 tys. ton nafty.
Pa słovach pradstaŭnika čyhunačnaj kampanii Marcinasa Burby, naftatrejdar «Biełaruskaja naftavaja kampanija» (BNK) infarmavaŭ čyhunku, što tankiery čakajucca 3-4 sakavika i 13-15 sakavika.
Mieniedžar Klaipedos nafta (apieratar naftaterminała ŭ Kłajpiedzie) pa kamunikacyi Arynta Barkaŭskajcie skazała BNS, što pakul niezrazumieła, adkul pryjdzie nafta, nieviadomyja taksama i nazvy tankieraŭ.
Lietuvos gelezinkeliai płanuje pieravozić z Kłajpiedy da biełaruskaj miažy pa 100-150 vahonaŭ z naftaj u sutki.
Naprykancy studzienia ŭ Kłajpiedu pryjšło pieršaje sudna z narviežskaj naftaj dla Biełarusi. Abjom partyi składaje 86 tys. ton, heta nafta hatunku Johan Sverdrup. Usia nafta budzie pierapracavanaja na «Naftanie».